අනියම් භාර්යාව.. + තෑගී නැති ප්‍රශ්න - 6

විකටර් කියන්නේ කසාද බැඳලා ඉන්න සල්ලිකාරයෙක්.දවසක් තමන්ගේ වයිෆ් වුන ස්ටෙලා එක්ක රෑ කෑමකට සුපිරි පන්තියේ අවන්හලකට ගියා.මේසයක් බලලා වාඩි වුනාට පස්සේ ළඟට ආව වේටර්ට අතේ මෙනු එක බලලා තමන්ට ඕන කෑම බීම වල ඕඩර් එක ලබාදුන්නා. වේටර්වරයා ඒ ටික අරන් එනකම් වයිෆ් එක්ක කතාවක් දාන් ඉද්දී රූමත් තරුණ කාන්තාවක් ඇවිදින් වික්ටර්ව බදාගෙන ලොකු කිස් එකක් දුන්නා.කිස් එක දීලා ඉවර වුනාට පස්සේ එම කාන්තාව,

"වික්ටර්.. මං දැන් යනවා.මං ඔයාව පස්සේ මීට්‌ වෙන්නම්.. බායි..!!" කියලා යන්න ගියා.

මේක දිහා පුදුම වෙලා බලන් ඉදපු ස්ටෙලා,

"කවුද වික්ටර් ඒ? මගේ ඉස්සරහම කිසිම බයක් සැකක් නැතුව ඔයාව කිස් කරන්න තරම් හයියක් ඒකිට කොහෙන්ද..?"

"කෑගහන්න එපා ගෑනියේ. ඒ මගේ අනියම් භාර්යාව!"

"මොකක්!! තමුසෙට හොර ගෑනියෙකුත් ඉන්නවාද..!! තමුසෙනම් මහා මොකෙද්ද මංදා.ජරා සතා..!!"

"මොකද මේ කෑගහන්නේ..?"

"කෑගහන්නේ තමුන්ගේ හැටි දැනගත්ත හින්දානේ.මට තවත් තමුසේ එක්ක ඉන්න බෑ.මං යනවා අම්මලාගේ ගෙදර.මට දික්කසාද වෙන්න ඕනේ පුළුවන් තරම් ඉක්මනටම..!"

කියාගෙන ස්ටෙලා එතනින් පිටවෙලා යන්න පුටුවෙන් නැගිටිද්දීම එයාගේ අතින් අල්ලගත්ත වික්ටර්,

"ඔහොම වාඩිවෙලා යන්න කලින් මේ ටිකත් දැනගන්නවා..!"

"මොනවද තවත් මට දැනගන්න ඉතුරු වෙලා තියෙන්නේ..?"

"ඔහේ මගෙන් දික්කසාද වුනොත්, ඊලඟ සතියේ ෂොපින් කරන්න යන්න ඉන්න පැරිස් ගමන නැතිවෙනවා, ඊළඟට කැරිබියන් දූපත් වලට නැවේ යන්න යොදාගත්ත ටුවර් එක නැතිවෙනවා, ඊලඟට උපන් දිනේට මගෙන් ඉල්ලපු බෙන්ස් කාර් එකත් නැතිවෙනවා, ආය බැඳිලා ඉන්න ක්ලබ් එකෙනුත් අයින් වෙන්න වෙනවා..!"

ඒ ටික කියාගෙන කියාගෙන ගිහින් අන්තිමේදී වික්ටර්,

"ඔහේ දික්කසාද වුනොත් ඒ සේරම නැති වෙනවා.දැන් තීරණේ තියෙන්නේ ඔහේගේ අතේ..! මොකද කියන්නේ, දික්කසාද වෙනවද..?"

ඒ එක්කම වාගේ ස්ටෙලා දැක්කා වික්ටර්ගේ මිතුරෙක් තවත් ලස්සන කාන්තාවක් එක්ක අවන්හලට ගොඩවෙනවා.වයිෆ්,

"කවුද අර ජෝන්ගේ අතේ එල්ලිලා එන ගෑණුකෙනා..?"

"ඒ ජෝන්ගේ අනියම් භාර්යාව..!"

ඒක අහලා වික්ටර්ගේ පැත්තට හැරුණු ස්ටෙලා,

"ඒ ගෑණි අපේ කෙනා තරම් ලස්සන නෑ නේ ඩාලිං..!"


කතාව එච්චරයි.දැන් අහන්න යන්නේ මේ සතියට අදාළ තෑගී නැති ප්‍රශ්නේ.ප්‍රශ්නේ අහන්නේ උඩින් තියෙන කතාවෙන් නෙවෙයි.මෙන්න මේකයි අද ප්‍රශ්නේ..

කෝසල හා තිළිණි කියන්නේ කසාද බැඳපු ජෝඩුවක්.ඔන්න දවසක් රෑ දෙන්නා සාලේ සෝෆා එකට වෙලා හිටියා.කෝසල හිටියේ ෆිල්ම් එකක් බල බල. තිළිණි හොල්මන් නවල් එකක් කියවනවා.එක පාරම ගෙදර කරන්ට් එක ගියා.කරන්ට් එක එනකම් ඉන්න එක තේරුමක් නෑ කියන තේරුණු හින්දා කෝසල තීරණය කරා ඇඳට ගිහින් නිදා ගන්න.ඒත් තිළිණි පොත කියවනවා.කිසිම එළියක්‌ නෑ.අඳුරුයි.ඒත් එයා පොත දිගටම කියවනවා.

දැන් අහන්න යන්නේ මේකයි..

තිළිණි කොහොමද එහෙම පොත කියවන්නේ..?

ප.ලි : තවත් ප්‍රශ්ණයක්. ලේසිම එකක්.හැමදාම අමාරු ඒවා අහනවා කියලා සමහර අයට උත්තර දෙන්න බැරි වෙනවලුනේ.මේ ඒ අයට.බලමු ඒකටවත් පුළුවන් වෙයිද කියලා.

ගෑණුළමයෙක් කාන්තාවක් කරන අකුරු තුන (3) මොකද්ද?

උත්තර වෙනම කතාවට වෙනම කමෙන්ට් කරනවානම් හොදයි.හරි උත්තර ඊලඟ සතියේ ඉරිදා පබ්ලිෂ් කරන්නම්.තරගෙට සහභාගී වෙලා උත්තර දෙන්න හිතෙන ඇනෝ අය ඔය පහල තියෙන ලින්ක් එක උඩ කොටලා,එකේ අන්තිම ටික කියවන්න.

තෑගි නැති ප්‍රශ්න - 4   (උඩ කොටන්න)

එහෙනම් ජය වේවා!

ප.ප.ලි : නිවැරදි පිළිතුරු..

ප්‍රශ්න අංක 1 : උත්තරේ තිළිණි අන්ධයි.අන්ධ අය කියවන්නේ බ්‍රේල් ක්‍රමයට ලියලා තියෙන පොත්.ඒවා කියවන්න එළිය අවශ්‍ය නෑ.

ප්‍රශ්න අංක 2 : උත්තරේ ව ය ස . ගෑණුළමයෙක් කාන්තාවක්,ආච්චි කෙනෙක් කරන්න පුළුවන් වෙන්නේ වයස ට විතරයි.

මේ උත්තර දෙක දැක්කාම අහපු ප්‍රශ්න හරිම ලේසියි කියලා පේනවා නේ? ගොඩක් අය දෙකටම හරි උත්තර දීලා තිබුනා.ප්‍රශ්න දෙකටම උත්තර දුන්නු සමහර අයගේ හරි ගියේ එක උත්තරයයි.මුලින්ම උත්තර දීලා තිබුනේ කල්හාන් පණ්ඩුක.ඇනෝලා කීප දෙනෙකුත් හිටියා.

කොහොම හරි එක උත්තරයක් හරි හරියට උත්තර දීලා තියෙන අයත් තරගෙට එකතු වෙනවා.හරි උත්තර දෙකම දුන්නු අයට අවස්ථා දෙකක් ලැබෙනවා. සහභාගී වූ හැමෝටම ස්තූතියි!

ඊලඟ ප්‍රශ්නේ අගහරුවාදා අහනවා. එතකන් ජය!