ගෙදර බොස් කවුද?

කමල් හා විමල් කියන්නේ පොඩි කාලේ ඉදන්ම එකට හැදුණු වැඩුණු යාළුවෝ දෙන්නෙක්.තරුණ කාලේදී දෙන්නා ඉතින් තමන්ට ගැලපෙන කාන්තාවන් දෙන්නෙක් හොයාගෙන කසාද බැඳගත්තා.කමල් කසාද කෙනා ගුණයහපත් කාන්තාවක්.ඒත් විමල් ගත්ත කෙනා ඒකෙ අනිත් පැත්ත.එයා ගොඩක් සැරපරුෂ, තමන්ගේ සැමියාට නීති දාලා තියාගන්න කෙනෙක්.කොටින්ම විමල්ට එයාගේ යාළුවෝ පවා මුණගැහෙන්න දුන්නෙත් නෑ.ඉතින් ඔහොම කාලේ  ගෙවිලා ගියා.

දවසක් හැන්දෑවක තමන්ගේ ක්ලබ් අයත් හම්බවෙලා, පස්සේ බියර් එකක් බොන්න හිතාගෙන ක්ලබ් එකට ගොඩවැදුණු කමල් දැක්කා තමන්ගේ පරණ මිතුරා, ඒ කියන්නේ විමල් ක්ලබ් එකේ මේසෙකට වෙලා බියර් වීදුරුවක්‌ තොල ගගා ඉන්නවා.කමල්ට හරි පුදුමයි ඒක.මොකද විමල් සෑහෙන කාලෙකින් ක්ලබ් එකට තනියෙන් ඇවිත් ඉන්නවා දැක්කේ නැති හින්දා. කමල් ගියා විමල් ඉන්න තැනට.

"අහ්! විමල්.. දැක්ක කල්. කොහොමද ඉතින් සැප සනීප? මොකද වයිපරේ පෙන්න නැත්තේ ? "

"අහ්! කමල්! මං උඹ ළඟට එනකම් දැක්කේ නෑ මචං.අවුලක් නෑ. වෙනදා වගේම තමා. අද වයිෆ් ආවේ නෑ. ම තනියෙන් ආවේ.."

"මොකක්! පුදුමයි උඹට තනියම එන්න දුන්නා ඒකි.."

"ඕ මචං.. මං ආවා අද තනියෙන්.."

"ඉතින් කොහොමද උඹ කුසුමාගෙන් බේරිලා ආවේ..?"

"හැමදාම කුසුමාට යටත්වෙලා ඉන්න බෑනේ මචං. මං අන්තිමේදී තීරණයක් ගත්තා.."

"මොකද්ද..?"

"මං තීරණය කරා පවුලේ ප්‍රධානියා, ඒ කියන්නේ ගෙදර බොස් වෙන්න ඕනේ කවුද කියන එක එයාට පැහැදිලි කරලා දෙන්න කුසුමාට.."

"ඉතින්..?"

"ඉතින් ඊයේ දවල් මං කුසුමාට කිව්වා, 'මේ කුසුමා, අපි දැන්වත් වෙනස් වෙන්න ඕනේ.මට බෑ තවත් ඔයාට යටත් වෙලා ඉන්න.මටත් මේක ඇතිවෙලා.මට යාළුවෙක් ආශ්‍රය කරන්න නෑ.ඇති ඉවසුවා හොදටම.මං අද ඔයාට පෙන්වන්නම් ගෙදර බොස් වෙන්න ඕනේ කවුද කියන එක..!!"

"ඉතින් ඊට පස්සේ මොකද වුනේ..?"

"මෙහෙමයි මචං.. මං පුරසාරකම් දොඩවනවා කියලා හිතන්න එපා උඹ. අන්තිමේදී මං කුසුමා මං ළඟ දණින් වැටුනා..!"

කමල්ට පුදුමයි මේ සීන් එක අහලා.මොකද කුසුමා කියන්නේ කිසි දේකට සෙකන්ඩ් නොවෙන ගෑණියක් කියලා දැනන් හිටිය හින්දා.

"ඇහ්..! උඹ කොහොමද මචං ඒක කරේ..? කොහොමද කියහන් මට.. "

"මං ඒ වෙලාවේ ඇඳ අස්සේ හැංගිලා හිටියේ මචං..!!"