බැලන්ස් කරමුද? නැත්නම් අනිත් එක බලමුද? (තෑගී නැති ප්‍රශ්න - 8)

කට්ටිය බලන්න ඇති නේ මේ සතියේ තෑගී නැති ප්‍රශ්නේ කෝ කියලා..! මේ අද දාන්න යන්නේ ඒ පෝස්ට් එක තමා.. 

මේ දවස් වල වහින වැස්ස හින්දා අපේ ගෙදරට කරන්ට් එක එන ලයින් එකේ අවුලක්.ඉතින් දවස් දෙකක් කරන්ට් තිබ්බෙත් නෑ.ඊයේ හවස (අඟහරුවාදා) තමා CEB එකෙන් ඇවිත් හදලා ගියේ.තව මගේ වැඩ වගයකුත් තිබුණා කරගන්න.ඉතින් ඔයින් මෙයින් වුනේ හැමදාම වගේ සතියේ මුල බ්ලොග් එකේ වැටෙන තෑගී නැති ප්‍රශ්න පෝස්ට් එක දාන්න කල්ගිය එක.මේ පෝස්ට් ඒක ලියලා තිබුනෙත් බාගේට.අනික් කාරණාව තමා මේ දවස් වල රෑ අපේ පැත්තට තියෙන සීතලත් එක්ක ඇහැරලා වැඩක් කරන්නවත් හිතෙන්නේ නැති එක.හොදට පොරවගෙන නිදාගන්න්නමයි හිතෙන්නේ.ඉතින් තාමත් කලින් පෝස්ට් එකට ආව කමෙන්ට් එකකටවත් රිප්ලයි එකක්වත් දාන්න බැරි වුනා.මීට කලින් අහපු ප්‍රශ්නෙට ලැබුණු කමෙන්ට් වලටත් රිප්ලයි කරලා තියෙන්නෙත් බාගේට. ඒවාට පස්සේ උත්තරේ දෙන්නම්.පට්ට කම්මැලියි මේ දවස් වල .ඒකයි.. 

ඉතින් අද ප්‍රශ්න දෙකක් තියෙනවා.හිතන්න පටන්ගමු එහෙනම්.. 

ප්‍රශ්න අංක 1 : 

මේ දීලා තියෙන වචන වලින් නොගැලපෙන වචනය මොකද්ද? 

1.FLOW 

2.SNIP 

3.TRAP 

4.DRAW 

5.BACK

ප්‍රශ්න අංක 2 : 

කෝසල කියන්නේ ව්‍යාපාරිකයෙක්. ඉතින් කෝසලට ඕනේ වුනා අළුතෙන් බැංකු ගිණුමක් ආරම්භ කරන්න.ඉතින් එයා ටවුන් එකේ අලුතින් විවෘත කරපු KIE කියන බැංකුවට ගොඩවැදිලා ගිණුමක් පටන් ගත්තා. කෝසල මුලින්ම තැන්පත් කරේ රුපියල් 100,000.00ක්. 

ඉතින් ඊටපස්සේ කෝසලට ආය බැංකුවට සල්ලි දාන්න ලැබුනේ නෑ.එයාගේ ව්‍යාපාර බංකොලොත් වුනා.ඉතින් අර KIE බැංකුවේ තැන්පත් කරපු සල්ලිත් 6 වතාවකදී ආපහු ගත්තා.කෝසල සල්ලි ගත්ත ඒවා හා ඒ ගත්තාට පස්සේ බැංකුවේ ඉතිරි වෙලා තිබුණු ගාණ ගැන පොතක සටහන් කරගෙන තිබුනා මේ විදියට.

අන්තිමේදී මේ Withdrawals හා Bank Balance Left එකතු කරලා බලද්දී (ඔය යටින් Total කියලා දාලා තියෙන්නේ ඒ එකතු කරපුවාම ආව ගණන්)  දෙපැත්ත බැලන්ස් නෑ කියලා කෝසලට පෙනුනා.ඒ කියන්නේ කොහේ හරි මිස් එකක් වෙලා වගේ පෙන්නේ.

ප්‍රශ්නය : ඇයි මේ දෙපැත්ත එකතු කරපු එක බැලන්ස් වෙන්නේ නැත්තේ?  

එහෙනම් ට්‍රයි කරලා බලමු නේ.. 

මේ දෙවෙනි ප්‍රශ්නේනම් හරිම ලේසියි.ඒත් පළවෙනි එක ටිකක් හිතන්න වෙයි.ඒක තමා වැදගත්ම ප්‍රශ්නේ මේ දෙකෙන්. හරි උත්තර ඉරිදා පබ්ලිෂ් කරනවා. උත්තර හේතුත් එක්කම කමෙන්ට් කරන්න.

ප.ලි : කලින් අහපු ප්‍රශ්නෙට හරි උත්තර දැක්කේ නැත්නම් මෙතනින් යන්න..

පිළිතුරු: 

1වෙනි එකට උත්තරේ BACK
මුල් වචන 4 අග ඉඳන් මුලට ලිව්වොත් තවත් වචනයක් හදන්න පුළුවන්.

FLOW - WOLF
SNIP - PINS
TRAP - PART
DRAW - WARD

ඒ උනාට BACK කියන වචනෙ අග ඉඳන් මුලට ලිව්වහම තේරුමක් ඇති වචනයක් හැදෙන්නේ නෑ.

BACK - KCAB

2වෙනි එකට උත්තරේ, ඔය ක්‍රමය වැරදියි.ඉතිරිවෙන බැලන්ස් එක එකතු කරලා මුල් ගානට සමාන කරන්න බෑ.

උදා: රුපියල් 200කින් ගිණුමක් අරඹලා ඒ සල්ලි ටිකෙන් ටික ගත්තා කියලා හිතන්න.

පේනවනේ ඒක වෙන්නෑ කියලා. එහෙනම් එච්චරයි.

මේ වතාවෙත් හුඟක් අය උත්තර දීලා තිබුණා.ප්‍රශ්න දෙකෙන් එකකට හරි හරි උත්තරයක් දීලා තියෙනවනම් ගොඩ.තරගෙට ඇතුල් වෙනවා.උත්තර දෙකම හරි ගියානම් අවස්ථා දෙකක් හම්බවෙනවා.එහෙමයි මේකේ සීන් එක.හරිනේ?

පළවෙනි ප්‍රශ්නෙට හරි උත්තරේ වෙච්ච Back කියන වචනේ මං බලාපොරොත්තු වුන උත්තරේට වඩා වෙනස් විදි වලින් පහදලා තිබුණා. ඒ හින්දා Back කියන එක හරියට කියපු හැමෝම තරඟෙට එකතු කරගන්න තීරණය කරා.ඒකත් හරිනේ එහෙනම්! :)

ප්‍රශ්නෙට උත්තර දුන්නු ඇනෝලා තරඟේ යන විදිය දන්නවා ඇති කියලා හිතනවා. 

එහෙනම් ඊලඟ සතියේ තවත් ප්‍රශ්නයකින් හම්බවෙමු. ජය!