ස්පැගෙටි.. (වැඩිපුර සෝස් එවන්න..)

දන්නවනේ අපේ ස්ටැන්ලි ගැන.. මේකත් එයාගේ කතාවක්..

ඔන්න ඉතින් ස්ටැන්ලියි,එයාගේ වයිෆුයි කාලයක් ඇමෙරිකාවේ හිටියා. එහෙ ඉන්න කාලේදී ස්ටැන්ලි ඉතාලි කෙල්ලෙක් එක්ක යාලු උනා. ඔහොම ටික කාලයක් ගෙවිලා යද්දී ස්ටැන්ලි හින්දා ඉතාලි කෙල්ලට ළමයෙක් හම්බවෙන්න ආවා. ඉතින් ඉතාලි කෙල්ල මේ සීන් එක ස්ටැන්ලිට කිව්වා.,


"ස්ටැන්ලි.. ඔයා හින්දා මං අම්ම කෙනෙක් වෙන්න යන්නේ.. ඔන්‍න‍ මට ළමයා නැති කරන්න කියලනම් කියන්න එපා.."


මේක ඇහුවම ස්ටැන්ලිට දෙලොව රත් උනා.මොකද දැනටමත් ස්ටැන්ලි බැදපු කෙනෙක්නෙ.මේක වයිෆ් දැනගත්තොත් එහෙම ඉදලා හමාරයිනේ.ඉතින් දැන් ස්ටැන්ලි කල්පනා කරනවා මේකට මොකද කරන්නේ කියලා.කෙල්ල ළමයා නැති කරගන්නටත් කැමති නෑ කියනවනේ.ටික වෙලාවක් කල්පනා කරපු ස්ටැන්ලි කෙල්ලට මෙහෙම කිව්වා.,


"හරි.. අපි මෙහෙම දෙයක් කරමු.ඔයා මේ ගැන කාටවත් කියන්න එපා.ඔය යන්න ඉතාලි.ගිහින් ළමයා හම්බුනාට පස්සේ ඉතාලියට වෙලා ළමයව හදාගන්නවනම් මං ඒ ළමයට අවුරුදු 18ක් වෙනකම් සල්ලි එවනවා.මොකද කියන්නේ ඔයා..?"


ඉතාලි කෙල්ලත් ටිකක් වෙලා කල්පනා කරලා ඒකට කැමති උනා.ඒත් කෙල්ලට ප්‍රශ්නයක් තිබුනා කොහොමද ළමයා හම්බුනා කියලා ස්ටැන්ලිට දැනුම් දෙන්නේ කියන එක.එයා ඇහුවා ස්ටන්ලිගෙන්.,


"මං කැමතියි ඒකට. ඒත් කොහොමද මං ඔයාට දන්වන්නේ ළමයා හම්බුනා කියලා..?"


"මට පෝස්ට් කාඩ් එකක් එවන්න.ඒකෙ ලියන්න 'ස්පැගෙටි' කියලා. එතකොට මං දන්නවා ළමයා හම්බුනා කියලා.ඊට පස්සේ මං සල්ලි එවන්නම්.." ස්ටැන්ලි කිව්වා..
(ස්පැගෙටි කියන්නේ ඉතාලි වල තියෙන නූඩ්ල්ස් වගේ කෑමක්.)


ඉතින් කෙල්ල ඉතාලියට ගියා.. ඔහොම ඉතින් මාස ගානක් ගියා.දවසක් ස්ටැන්ලි ගෙදර එනකොට ස්ටැන්ලිගේ වයිෆ් ඉන්නවා පෝස්ට් කාඩ් එකක් අතේ තියන්.වයිෆ් ඒක ස්ටන්ලිට දෙන ගමන් කිව්වා.,


"ඔයාට ඕක අද උදේ ආවේ. මට ඒකෙ ලියලා තියෙන කිසි දෙයක් තේරෙන්නේ නෑ.."


ඉතින් ස්ටැන්ලි ඒක අරන් කියවන් යද්දී පොරට ඉහෙන් කනෙන් දාඩිය දාන්ට පටන් ගෙන,සුදුමැලි වෙලා අන්තිමේදී  සිහියත්  නැති වෙලා ඇදන් වැටුනා.


පෝස්ට් කාඩ් ඒකෙ මොනවද දන්නවද ලියලා තිබුනේ..


"ස්පැගෙටි, ස්පැගෙටි.. එකකට මීට්බෝල්ස් දෙකයි.. අනිකට නෑ.මට වැඩිපුර සෝස් එවන්න.."



මේ තියෙන්නේ එයා ගැන කලින් ලියපු කතා..
1. රත්තරන් පාට කොමඩ් එක
2. මහත්තයා.. මට තල්ලුවක් දාන්න පුලුවන්ද?
3. 25 වෙනි විවාහ සංවත්සරය..